الوسواس القهري
- Change me Clinic
- 14 نوفمبر 2018
- 2 دقائق قراءة
اضطراب الوسواس القهري
ناس كتير حوالينا عاجزين انهم يمارسوا مهام حياتهم اليوميه بشكل طبيعي
وبيلاقوا نفسهم مُجبرين يعملوا بعض السلوكيات كأنهم إنسان آلي
أكيد بَعضُنَا قابل شخص بيعاني من إضطراب الوسواس القهري
وحس انه شخص غريب لكن مفهمش انه عنده اضطراب نفسي محتاج لعلاج
كيف اعرف اني أعاني من اضطراب الوسواس القهري ؟
هتلاقي نفسك بتفكر كتير وتعيد وتزيد في أفكار تافهه او مزعجه لكذا يوم
وتحس انها مسيطره علي تفكيرك ومهما حاولت تتخلص منها مبتقدرش
هتحس انك مُجبر تعمل سلوكيات معينه وأكررها كذا مره وانت معندكش رغبه
حقيقيه تعمل كده ويمكن السلوك ده بيزعجك لكن مش قادر تبطلوا
ولو حاولت تبطل السلوك ده هتحس بقلق شديد جدا
ممكن تلاقي نفسك بتضيع وقت كتير اوي في غسل إيدك كذا مره من غير حاجه
وممكن تبقي ماشي بتطهر اَي حاجه في البيت حد يلمسها وبشكل متكرر
ممكن لو مرتب مكتبك بشكل معين وحد لغبطلك ترتيبه تلاقي نفسك متعصب جدا
ومترتاحش غير لما ترجعوا زي الأول
ممكن تلاقي نفسك بتقوم من النوم بالليل كذا مره تتأكد انك قفلت الباب . الشباك
البوتاجاز .السخان .... إلخ وحتى لو انت متأكد انك مقفل كل حاجه
هتلاقي نفسك مجبر انك تقوم تتأكد ولو مقمتش هتفضل قلقان لحد ماتنام
الوساوس البسيطه بنمر بيها كلنا لكن بتمر وبنكمل مسيرتنا بدون قلق وتوتر
لكن الوساوس المرضيه مبتمرش ولو حاولنا نتجاهلها بترجع تاني
علي الرغم من المجهود اللي الشخص بيقوم بيه عشان يتخلص منها
وبيفضل الشخص في حاله من القلق والتوتر اللي بتصعب عليه التعايش
مع الحياه بشكل طبيعي
ومن مساوئ الإضطراب ده انه مجهد نفسياً للأشخاص اللي عايشين مع الشخص
ده لأنهم بيتعبوا من سلوكياته المضطربه بالاضافه انه عاده هيطلع منهم يتصرفوا
بنفس طريقتوا من المبالغه في النظافة والترتيب و...... إلخ
فبالتالي الشخص المضطرب بالوسواس القهري بيعاني والناس اللي
عايشين معاه كمان بيعانوا ، وللأسف مبيفهموش ان فيه مشكله غير متأخر
اوي لما يكون الاضطراب زاد اوي وبقي عامل أعاقه لحياه المريض
فممكن نلاقيه مش قادر يخرج من البيت علشان ميتلوسش
مش قادر يلمس اَي حاجه مكان حد
خايف يركب في المواصلات العامه لحسن تصيبه عدوي
امتنع عن الشغل او رفضت الجواز ...... إلخ
وعشان كده بننصح اَي حد بيعاني من المشكله دي انه ميضيعش وقت اكتر
من كده ويطلب المساعده المتخصصه ويخضع للفحص النفسي علشان يتخلص
من مشكلته قبل ما تزيد وتأذيه وتأذي اللي حواليه وبيحبوه
コメント