متى تلجأ لعيادة النفسية و نوعية المشاكل التى يمكن حلها

إيه المشاكل اللى ممكن حلها فى عيادة النفسية و العصبية ؟ عيادة الأمراض النفسية و العصبية هي المكان اللى ممكن يتعالج فيه أي مشكلة ليها علاقة بالمخ أو الحبل الشوكي أو الأعصاب الطرفية أي مشكلة زي ( الصداع و الصداع النصفي ، اضرابات كهربية المخ – التشنجات - ، الىم العمود الفقري و الإنزلاقات الغضروفية ، إلتهابات الأعصاب عموماً ، زي إلتهاب العصب الوجهي و التنميل و الحرقان اللى ممكن يحس بيهم المريض فى ايديه أو رجليه خصوصاً مرضى السكر و غيرهم و كمان مرضى الجلطات الدماغية ) . كل دي أمراض بتتعالج فى عيادة الأمراض النفسية و العصبية . لكن بس فى عيادة النفسية ممكن تلاقى حل لمشاكل كتير زي القلق و التوتر النفسي ، ده عنوان كبير لأنه من المعروف و الثابت طبياً أن القلق بيكون ليه أعراض كتير مختلفة كلها مشاكل صعبة و لكن ليها حل بإذن الله القلق ممكن يسبب : - الأرق و إضطرابات النوم . - إضطرابات الأكل و الشهية أو عسر الهضم . - الصداع الشديد . - الصلع و بعض الأمراض الجلدية زي البهاق و الإكزيما . - نوبات القلق و الصلع أو حتي الرهاب و أنواعه ( الفوبيا) ، الصداع الشديد . زي الإكتئاب النفسي بأنواعة و ده أعراضه كتير زي فقدان الإستمتاع بأي نشاط يومي أو عدم الرغبة فى القيام بأي أعمال يومية مثل ( الذهاب للعمل أو الدراسة ) ، عدم الرغبة فى الإهتمام بالنفس أو حتي بالنضافة الشخصية ، الإنعزالية الشديدة و الرغبة فى البعد عن الناس . زي الإستشارات الحياتية أو ال لايف كوتشينج و هنا بنساعد الإنسان إنه يعرف نقاط القوة ، الضعف اللي فى شخصيته و نوع الدراسه أو العمل أو المجال العملى المناسب ليه من خلال الإختبارات النفسية اللى بتتعمل فى عيادة القياسات النفسية و العصبية ، عشان يقدر ياخد القرارات الحياتية الصح و المناسبة ليه من دراسة ،شغل و زواج .

زي الإستشارات العائلية و الزوجية و دي من التخصصات الجديدة و المهمة جداً فى عيادة الأمراض النفسية ، كل زوجين ممكن التعايش بينهم إذا خلو التفاهم المطلوب ، كل أب و أم أو أخ أو ابن ممكن يتعايش مع والده ، والدته بنته إذا وصلوا لصيغة تفاهم ضروري .